არ გამოვრიცხავ, რომ რაღაც წვრილმანი დარღვევები ყოფილიყო- აცხადებს ეკონომიკის მინისტრი ვალების განულების პროგრამასთან დაკავშირებით.
გიორგი ქობულიამ განცხადება მას შემდეგ გააკეთა, რაც მას შეკითხვა სიებში გარდაცვლილი ადამიანების შეყვანისას და ამ გზით რაოდენობის ხელოვნურად გაზრდის შესახებ დაუსვეს.
„ვალების განულების პროგრამა მიმდინარეობს ისე, როგორც იყო დაგეგმილი და მე მგონია, რომ ყველა კმაყოფილი უნდა დარჩეს. თუ მცირე ხარვეზებია სადღაც, არა მგონია ამას რამე დიდი მნიშვნელობა ჰქონდეს. მე არ გამოვრიცხავ, რომ რაღაც წვრილმანი დარღვევები ყოფილიყო იქ, მაგრამ ეს ალბათ ტექნიკური საკითხი არის და ალბათ ფინანსთა სამინისტრო მართავს ამ საკითხს,“ – ამბობს ქობულია
