არ დასრულებულა ბრძოლა საქართველოს თავისუფლებისთვის – იუნკერთა ხსოვნას ოპოზიციის წარმომადგენლებმა პატივი მიაგეს

თაიმერი timer.ge
ავტ.: თაიმერი timer.ge თებერვალი 25, 2019 10:52

არ დასრულებულა ბრძოლა საქართველოს თავისუფლებისთვის – იუნკერთა ხსოვნას ოპოზიციის წარმომადგენლებმა პატივი მიაგეს

საბჭოთა ოკუპაციის დღე – მემორიალთან ყვავილები უკვე მიიტანეს ოპოზიციის ლიდერებმა, ოპოზიციური პარტიების წარმომადგენლებმა და მათმა მხარდამჭერებმა.

ოპოზიციის წარმომადგენლებმა პატივი მიაგეს იუნკერთა ხსოვნას. ხელისუფლების ოპონენტების თქმით, ქვეყნის მთავარ გამოწვევად კვლავ რუსეთი რჩება, რომელიც საქართველოს ოკუპაციას აგრძელებენ.

„საბჭოთა ოკუპაცია დასრულდა, მაგრამ არ დასრულებულა ჩვენი ბრძოლა საქართველოს თავისუფლების და ევროპული მომავლისთვის. საქართველო დღესაც არის ოკუპაციის ქვეშ, საქართველო დღესაც იბრძვის საკუთარ ოჯახში – ევროპაში დასაბრუნებლად,“ – ამბობს „ევროპული საქართველოს“ ერთ-ერთი ლიდერი, დავით ბაქრაძე.

ოპოზიციის წარმომადგენლები იუნკერების თავდადებას იხსენებენ. „ნაციონალური მოძრაობის“ პოლიტიკური საბჭოს წევრი, გიორგი ბარამიძე ამბობს, რომ ყველას უნდა ახსოვდეს, თუ რა გზა გაიარა საქართველომ, რომ დღევანდელ დღემდე მოსულიყო.

„თავისუფლება მოდის ბრძოლით, წვალებით, შრომით და რომ ამას სჭირდება დაცვა იმიტომ, რომ დღეს ჩვენი ქვეყნის 20 პროცენტი კვლავ ოკუპირებულია, იგივე მტრის მიერ,“ – ამბობს ბარამიძე.

ამ წუთებში იუნკერთა მემორიალთან პრემიერ-მინისტრსა და მთავრობის წარმომადგენლებს ელოდებიან.

საბჭოთა ოკუპაციის დღედ 25 თებერვალი 2010 წელს გამოცხადდა და სწორედ მას შემდეგ საქართველოს დროშები დღევანდელ დღეს ყველგან დაშვებულია.

თაიმერი timer.ge
ავტ.: თაიმერი timer.ge თებერვალი 25, 2019 10:52

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,536
ვიზიტორი
დღეში
Powered By Google Analytics