„სამართალდამცავთა რეფორმების ცენტრის“ ხელმძღვანელი ზვიად კუპრავა და მისი თანამოაზრეები საქართველოს პარლამენტში შესვლის მოთხოვნით აქციას მართავენ. აქციის მონაწილეები აცხადებენ, რომ მათ სახელზე პარლამენტში დაშვებულია საშვები, თუმცა პარლამენტში შესვლის საშუალება არ ეძლევათ. აქციის მონაწილეებს შენობაში შესვლის საშუალებას დაცვის სამსახური არ აძლევს.
ადგილზე მობილიზებულია საპატრულო პოლიცია. სამოქალაქო აქტივისტები ყოფილი გენერალური პროკურორის და ახლა გენერალური პროკურორობის კანდიდატის, ირაკლი შოთაძის კანდიდატურას აპროტესტებენ.
