თბილისის მერიასთან დიღმის მასივის მე-6 კვარტლისა და გლდანის პირველი მიკრორაიონის მცხოვრებლებმა საპროტესტო აქცია გამართეს, მათ თბილისის მერის, დავით ნარმანიას ფიტული ქვიშაში თავდაყირა ჩაფლეს.
აქციის მონაწილეები ითხოვენ დიღმის მასივში სკოლის ტერიტორიაზე არ აშენდეს მრავალსართულიანი კორპუსი, ასევე გლდანის პირველ მიკრორაიონში სტადიონის ტერიტორიაზე არ მოხდეს მრავალსართულიანი კორპუსების მშენებლობა.
