პარტია „გახარია საქართველოსთვის“ წევრი ანა ბუჩუკური იუსტიციის მინისტრის პირველ მოადგილეს, ბექა ძამაშვილს „პატარა კაცსა“ და „მატყუარას“ უწოდებს.
ცნობისთვის, ოპოზიციურმა ფრაქციამ პარლამენტში აქციების შესახებ კანონში შემზღუდავი ნორმების გაუქმება მოითხოვა.
ბექა ძამაშვილმა ინიციატივას პოლიტიკური სპეკულაცია უწოდა და აღნიშნა, რომ გახარიას გუნდს არ აქვს მორალური უფლება ისაუბროს აქციების უფლებაზე, რადგან 2019 წლის 20 ივნისის აქციის დაშლის გამო სახელმწიფოს სტრასბურგში დარღვევები დაუდგინდა.
ანა ბუჩუკურმა მინისტრის მოადგილეს „მატყუარა“ უწოდა და განაცხადა, რომ 20 ივნისის მოვლენებზე პასუხისმგებლობა ბრძანების გამცემებსა და ირაკლი კობახიძეს ეკისრებათ.
