“ენმ” თბილისის მერიასთან გამართულ აქციაზე დაკავებული პირების დაუყოვნებლივ გათავისუფლებას ითხოვს.პარტიის პოლიტსაბჭოს თავმჯდომარის ნიკა მელიას განცხადებით, მერიაში არსებულ მდგომარეობას არ შეეგუებიან და აქციების შეწყვეტას არ აპირებენ.
„13 ადამიანი დროებითი დაკავების იზოლატორში იმყოფება. იმის მაგივრად, რომ ცამეტივე გაეთავისუფლებინათ, ხელისუფლებამ გადაწყვიტა, რომ დასაჯოს. საკორდინაციო საბჭოს გადაწყვეტილებების თანახმად, აქციები გაგრძელდება. არ ვაპირებთ, იმ ცინიზმს და აღვირახსნილობას შევეგუოთ, რომელსაც მერიაში აქვს ადგილი“, – განაცხადა ნიკა მელიამ.
შეგახსენებთ, რომ გუშინ მერიის წინ გამართილ საპროტესტო აქციაზე სიტყვიერი და ფიზიკური დაპირისპირება მოხდა, რა დროსაც აქციის 13 მონაწილე დააკავეს.