კოალიციაში განხორციელებულ ცვლილებებზე ვიცე პრემიერმა, კახი კალაძემ ცოტა ხნის წინ კომენტარი გააკეთა. კალაძის თქმით, ქართული ოცნების ახალ სახეებს უახლოეს დღეებში წარადგენენ.
“არჩევნებზე ჩვენ ვაპირებთ ყველა პარტიამ თავისი სახეები წარადგინოს და არჩევნების შემდეგ გადაწყვეტილებას მივიღებთ, თუ რა ფორმატში იქნება თანამშრომლობა. აქცენტი გაკეთებული იქნება სუფთა წარსულზე, განათლებასა და პროფესიონალიზმზე. როდესაც ახალი სისხლი, ახალი სახეები მოდის, ნებისმიერ გუნდში, ყოველთვის მისასალმებელია. კონკურენცია სადაც არის, რეზულტატი მაქსიმუმია,“- განაცხადა კახი კალაძემ.
