აფხაზური ანსამბლი “შარათინი” თურქეთში გამართულ ხელოვნების საერთაშორისო ფესტივალზე მონაწილეობას ვერ მიიღებს – ხალხური ცეკვის კოლექტივის ხელმძღვანელმა რუსლან ბებიამ თქვა. ფესტივალი 7 ივლისიდან 8 აგვისტომდე გაიმართება თურქეთში. ბებიას თქმით, ფესტივალის ორგანიზატორებმა მათგან საქართველოს სახელით გამოსვლა მოითხოვეს, რაზეც ბებიამ და თვითგამოცხადებული რესპუბლიკის კულტურის სამინისტრომ უარი განაცხადა.
