აფხაზეთის დე-ფაქტო რესპუბლიკის პრეზიდენტის ექსპერტული მართვის სამსახურის თანამშრომელმა, პოლიტიკური მეცნიერებების კანდიდატმა თემურ შანავამ საქართველოს პრეზიდენტის გიორგი მარგველაშვილის განცხადებაზე კომენტარი გააკეტა. პრეზიდენტმა მარგველაშვილმა რუსეთის მხრიდან აფხაზეთის და სამხრეთ ოსეთის დე-ფაქტო რესპუბლიკებთან დადებულ თანამშრომლობის შესახებ ხელშეკრულებებს ამ ტერიტორიების ანექსია უწოდა.
„გასაკვირია, რომ თავის გამოსვლაში საქართველოს პრეზიდენტმა გიორგი მარგველაშვილმა უსაფრთხოების მთავარ პრობლემად რუსეთი დაასახელა, მის მიერ ხელმოწერილ ხელშეკრულებებს კი საქართველოს ტერიტორიების „ანექსია“ უწოდა“ – განაცხადა შანავამ „სპუტნიკთან“ ინტერვიუში.
მისი აზრით, ასეთი მკვეთრი განცხადებები შიდაპოლიტიკური მიზეზებით არის გამოწვეული. „ორმხრივი ურთიერთობის გამტკიცება ორივე, აფხაზური და რუსული მხარის ინტერესებში შედის, რომელიც, პირველ ყოვლისა, რეგიონის უსაფრთხოების გამტკიცებას ემსახურება“ – თქვა მან.