აფხაზეთში რუსეთის მოქალაქე, ბიზნესმენი გაიტაცეს – პროკურატურამ აღნიშნულ ფაქტთან დაკავშირებით სისხლის სამართლის საქმე აღძრა – ამისშესახებ აფხაზეთის დე-ფაქტო შს მინისტრმა ასლან კობახიამ განაცხადა.
მისი ინფორმაციით, შემთხვევა ოჩემჩირის რაიონში მოხდა. უცნობმა პირებმა მეწარმე ვაჩაგან პეტროსიანი გაიტაცეს, რომელიც ოჩამჩირის ასფალტის ქარხნის ერთ-ერთი ხელმძღვანელი პირია. კობახიას თქმით, გამტაცებლებმა პეტროსიანი და მისი კომპანიონი პოლიციის ყალბი მანქანით გაიტაცეს და სოფელ ცაგერში წაიყვანეს, სადაც აფხაზეთ-საქართველოს ომის შემდეგ არავინ ცხოვრობს. პეტროსიანის კომპანიონი გაანთავისუფლეს, თუმცა, უცნობია თვითონ ბიზნესმენი სად წაიყვანეს.
მიმდინარეობს გამოძიება.