ამა წლის მაისში, აფხაზეთში საცხოვრებლად გადავიდა ოჯახი სანკტ–პეტერბურგიდან, რომელიც დასახლდა გუდაუთის რაიონის სოფელ ხიპსთაში (ოკუპაციამდე – ახალსოფელი). 31 ივლისს მათ სახლში სამი ნიღბიანი პირი შეიჭრა და იარაღის მუქარით მოსთხოვა ოჯახის წევრებს რემონტისთვის გადადებული ფული და ფასეულობები.
როგორც თავად დაზარალებულნი ჰყვებიან, ორ ყაჩაღს ხელში ავტომატი ეკავა, მესამეს კი – პისტოლეტი. ბანდიტებმა ოჯახის უფროსს, ანატოლი ივანოვს, თავში უთო ჩაარტყეს, მისი მეუღლე, ვალენტინა ბიკოვეცი, ცხელი უთოთი აწამეს,ხოლო მათთან სტუმრად მყოფ პიროვნებას, ასევე რუსეთიდან, კონდახი ჩასცეს.
საბოლოოდ, ყაჩაღებმა გაიტაცეს ფული, ავტომანქანა და მიიმალნენ.
