სოხუმის მარიონეტული რეჟიმის ე.წ. პარლამენტმა რატიფიკაცია გაუკეთა რუსეთის ფედერაციასთან შეთანხმებას ამ ქვეყნის მოქალაქეთა სამედიცინო დაზღვევის შესახებ. საქმე ეხება რუსეთის იმ მოქალაქეებს, რომლებიც აფხაზეთში მუდმივად ცხოვრობენ.
აფხაზური მედიის ცნობით, შეთანხმების რეალიზაციისთვის თანხებს რუსული მხარე გამოყოფს, სოხუმი კი ვალდებული იქნება უზრუნველყოს პოლისების დროული გაცემა.
რუსეთის სახელმწიფო სათათბიროში ჯერ არ დამდგარა დღის წესრიგში ამ შეთანხმების რატიფიკაციის საკითხი.