აფხაზეთში ღორის გრიპით 49 პირია დაავადებული. დე-ფაქტო მთავრობა ამბობს, რომ სიტუაციას აკონტროლებს. თუმცა, ხალხი შეშინებულია. დაავადებულთა შორის რვა 14 წლამდე ბავშვი და მოზარდია, ძირითადად, სოხუმის სკოლის მოსწავლეები, თუმცა, სკოლაში კარანტინი არ გამოუცხადებიათ.
“ჩვენ ჯანდაცვის სამინისტროს თხოვნით მივმართეთ, რომ მაღალ კლასებში მაინც, სადაც ბავშვები დაავადდნენ, ერთი კვირით კარანტინი გამოაცხადონ, მაგრამ სამინისტრო თვლის, რომ 49 დაავადებული ეს ის რიცხოვნება არ არის, რომლის გამოც განგაში უნდა ავტეხოთ” – დე-ფაქტო რესპუბლიკის განათლების მინისტრმა ადგურ კაკობამ განაცხადა.
