აფხაზეთის უმაღლესმა საბჭომ მორიგი ჰუმანიტარული დახმარების აქცია განახორციელა

admin
ავტ.: admin ივლისი 15, 2020 10:22

აფხაზეთის უმაღლესმა საბჭომ მორიგი ჰუმანიტარული დახმარების აქცია განახორციელა

აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, უმაღლესი საბჭოს ადამიანის უფლებათა, იურიდიულ და საპროცედურო საკითხთა კომიტეტის თავმჯდომარის მოადგილე ვახტანგ ყოლბაია, ფრაქცია ”ახალი აფხაზეთი – სამართლიანობა” თავმჯდომარე რაისა ქარაია და აპარატის თანამშრომლები დღეს ბორჯომის მუნიციპალიტეტს ეწვივნენ.
უმაღლესი საბჭოს დელეგაცია თავდაპირველად შეხვდა ბორჯომის მუნიციპალიტეტის მერის მოვალეობის შემსრულებელს დავით ზაალიშვილს. მსჯელობა გაიმართა მუნიციპალიტეტის მეშვეობით დევნილებისათვის აქამდე მიღებულ ცალკეულ გადაწყვეტილებებზე. ასევე ორივე მხარე შეეხო იძულებით გადაადგილებულ პირთა წინაშე სადღეისოდ არსებული პრობლემების მოგვარებისათვის ურთიერთთანამშრომლობით გასატარებელ ღონისძიებებს. შეხვედრაზე ხაზგასმით აღინიშნა, რომ მაქსიმალურად დროულად უნდა მოხერხდეს განსაკუთრებული საჭიროების მქონე პირთა სოციალური და საყოფაცხოვრებო მოთხოვნათა დაკმაყოფილება.
აფხაზეთის უმაღლესი საბჭოს დელეგაციამ ბორჯომის მუნიციპალიტეტის მერიიდან პანსიონატ „პლატოში“ გადაინაცვლა, სადაც აფხაზეთიდან დევნილები კომპაქტურად არიან განსახლებული. დევნილ მოსახლეობასა და ავტონომიური რესპუბლიკის საკანონმდებლო ორგანოს წარმომადგენელთა შორის აზრთა გულახდილი ურთიერთგაზიარება გაიმართა.
შეხვედრის დასასრულს კორონავირუსის გავრცელების პრევენციული ღონისძიებების ფარგლებში და დევნილთა კომპაქტური განსახლების საცხოვრებლებში მყოფი ოჯახების სოციალურ-ეკონომიკური მდგომარეობის შემსუბუქების მიზნით, უმაღლესი საბჭოს წარმომადგენლებმა სასურსათო პროდუქტები და საყოფაცხოვრებო მოხმარების ნივთები აქ მცხოვრებ 34 აფხაზეთიდან დევნილ ოჯახს გადასცეს.
აფხაზეთის ავტონომიური რესპუბლიკის უმაღლესი საბჭო ჰუმანიტარული დახმარების აქციას 2020 წლის ბოლომდე გააგრძელებს. აღნიშნული ჰუმანიტარული აქცია აფხაზეთის ავტონომიური რესპუბლიკის უმაღლესი საბჭოს დეპუტაციისა და აპარატის წევრთა ინიციატივით ხორციელდება, მათი ხელფასებიდან ნებაყოფლობით გაღებული სახსრებით

admin
ავტ.: admin ივლისი 15, 2020 10:22

Google სტატისტიკა


2,535
ვიზიტორი
დღეში
Powered By Google Analytics