“აფხაზური მხარე მზად არის განაახლოს მუშაობა ინციდენტების პრევენციისა და მათზე რეაგირების მექანიზმის (IPRM) ფორმატში” – განაცხადა თვითგამოცხადებული “რესპუბლიკის” ე.წ. საგარეო საქმეთა მინისტრის მოადგილემ ირაკლი ტუჟბამ.
მისი თქმით, მოამზადეს წინადადებების პაკეტი, რომელსაც ჟენევის დისკუსიების თანათავმჯდომარეებს აფხაზეთში “ვიზიტის” დროს წარუდგენენ – “ვიმედოვნებ, რომ ჩვენი ამჟამინდელი წინადადებები სათანადო გამოხმაურებას მიიღებს საქართველოდან და ჩვენ შევძლებთ ამ ფორმატში მუშაობას“, – ამბობს ტუჟბა.
საქართველოს ხელისუფლებას ამ ინფორმაციაზე ჯერჯერობით კომენტარი არ გაუკეთებია.
