აფხაზეთის დე-ფაქტო საგარეო საქმეთა მინისტრის მოადგილემ ირაკლი ტუჟბამ რამდენიმე დღის წინ დროებით საზღვარზე საქართველოს მოქალაქის გიორგი ზარანდიას დაკავების ფაქტზე კომენტარი გააკეთა და განაცხადა, რომ უკანასკნელი წლების მანძილზე საქართველოდან აფხაზეთში უკანონო გადასვლები გახშირდა, რაც, მისი აზრით საქართველოს მთავრობის მიერ არის წახალისებული. მისი თქმით, ჟენევის მოლაპარაკებებზე ქართული მხარე არა ერთხელ იქნა გაფრთხილებული იმის შესახებ, რომ არ დაუშვას საქართველოს მოქალაქეების აფხაზეთის დე-ფაქტო რესპუბლიკაში არალეგალური გადასვლა. მისი თქმით, აფხაზურმა მხარემ ყველა პირობა შექმნა იმისათვის, რომ ე.წ. ქართულ-აფხაზური საზღვარი “ცივილური გადაკვეთა მოხდეს”.