აფხაზეთის ავტონომიური რესპუბლიკის უმაღლესი საბჭოს რეგლამენტის შესაბამისად, საგაზაფხულო სესია გახსნილად გამოაცხადა უმაღლესი საბჭოს თავმჯდომარემ ჯემალ გამახარიამ, რომელიც პლენარული სხდომის წინაშე ვრცელი მოხსენებით წარსდგა.
მან თავის მიმართვაში აღნიშნა, რომ უმაღლესი საბჭო, მისი აბსოლუტური უმრავლესობა რჩება უზენაესი საერთო მიზნის მქონე შეკრულ გუნდად. ეს უზენაესი საერთო მიზანი კი საქართველოს გამთლიანებაა. უმაღლესი საბჭოს თავმჯდომარემ კიდევ ერთხელ გამოხატა მხარდაჭერა უკრაინელი ხალხის მიმართ და მიმოიხილა აფხაზეთის ოკუპირებულ ტერიტორიაზე არსებული ვითარება.
სხდომის დაწყებამდე, ტრადიციულად, დეპუტატებმა პატივი მიაგეს გარდაცვლილი კოლეგების ხსოვნას.
