აფხაზეთის ავტონომიური რესპუბლიკის მთავრობის თავმჯდომარის რუსლან აბაშიძის საახალწლო მილოცვა

აფხაზეთის ავტონომიური რესპუბლიკის მთავრობის სახელით გილოცავთ დამდეგ 2021 წელს!

ახალ წელს იმედით და სასიკეთო ცვლილებების მოლოდინით ველით. ვისურვებდი, რომ ეს მოლოდინები გაგვიმართლდეს.
განსაკუთრებულად ვულოცავ ჯანდაცვის სფეროს მუშაკებს, რომლებმაც პროფესიული თავგანწირვის და ადამიანური შესაძლებლობის რესურსების ზღვარზე გაიარეს.

ვულოცავ საოკუპაციო ხაზის ორივე მხარეს მცხოვრებ იძულებით დაშორიშორებულ საზოგადოებას, რომლებიც ყოველდღიურად განიცდიან ოკუპაციის ნეგატიურ შედეგებს.

ჩვენი ვალია, ერთად ვიზრუნოთ ქვეყნის მომავალზე ისე, როგორც ზრუნავდნენ ჩვენი წინაპრები, ერთად დავძლიოთ არსებული გამოწვევები და წინ აღვუდგეთ საყოველთაო გათიშულობის მცდელობას.
ვისურვებდი, რომ 2021 წელი ყოფილიყოს, უპირველეს ყოვლისა, ჯანმრთელობის, ერთობის, ურთიერთგაგების და თანადგომის წელი.

კიდევ ერთხელ ვულოცავ სრულიად საქართველოს და აფხაზეთის საზოგადოებას დამდეგ ახალ წელს. მშვიდობის, სტაბილურობის და წარმატების წელი ყოფილიყოს ჩვენი ქვეყნის და თითოეული ჩვენგანის ოჯახისთვის!

რეკლამის ბანერი
წინა სტატიაშითურნავა – ყველას ვულოცავ შაჰ-დენიზის საბადოდან ევროკავშირში სამხრეთის გაზის დერეფნის მილსადენის სისტემის მეშვეობით გაზის მიწოდების დაწყებას
შემდეგი სტატიაბაქრაძე – 2021 ყოფილიყოს წელი, რომელიც გარდამტეხ და მნიშვნელოვან ცვლილებებს მოუტანს ჩვენ ქვეყანას