სამების საკათედრო ტაძარში აფხაზეთის ომის დროს ბაბუშერას აეროპორტში დაღუპული 12 ქართველი მებრძოლის სამოქალაქო პანაშვიდი გაიმარტა. აფხაზეთიდან გადმოსვენებულ მებრძოლებს დიღმის ძმათა სასაფლაოზე 15:00 საათზე (გამოსვენება სამების ტაძრიდან 14:00 საათი) სამხედრო პატივით დაკრძალავენ. 12 ქართველი მებრძოლის ცხედრების იდენტიფიცირების მიზნით ნეშტები ლევან სამხარაულის სახელობის სასამართლო ექსპერტიზის ბიუროში იყო გადასვენებული. ამ ეტაპზე ბაბუშერას სამარხიდან 43 ნეშტი უკვე იდენტიფიცირებულია.
ბაბუშერას აეროპორტში თვითმფრინავის აფეთქებისას დაღუპული მებრძოლების სამოქალაქო პანაშვიდს დაესწრნენ საქართველოს თავდაცვის მინისტრის პირველი მოადგილე დავით ებრალიძე და საქართველოს შეიარაღებული ძალების გენერალური შტაბის უფროსის პირველი მოადგილე, პოლკოვნიკი ომარ ბეგოიძე, შეიარაღებული ძალების წარმომადგენლებთან ერთად.