აფხაზეთიდან რუსეთში 3,5 ათას ტონაზე მეტი ციტრუსი გავიდა ოქტომბრის დასაწყისიდან, რაც შარშან ამ დროსთან შედარებით სამჯერ მეტია – სოჭის საბაჟო უწყების პრესსამსახური ავრცელებს.
“მხოლოდ გასულ შაბათ-კვირას მესაზღვრეებმა 890 ტონა მანდარინი გააფორმეს. ეს უკანასკნელი ორი წლის მანძილზე რეკორდია” – უწყების განცხადებაშია ნათქვამი.
ციტრუსის პიკი დეკემბრის შუა რიცხვებამდეა. ამ პერიოდისთვის აფხაზეთიდან ყოველდღიურად 700 ტონა ციტრუსის გატანას ვარაუდობენ – “სპუტნიკ აფხაზეთი” წერს.
