აფგან მუხთარლის ჩვენება, რომელიც მან აზერბაიჯანულ გამოძიებას მისცა, ახლა უკვე ქართველ ადვოკატებსაც აქვთ. ამის საფუძველზე უფლებადამცველები პროკურატურისგან საქმის ობიექტურ და დროულ გამოძიებას ითხოვენ. ადვოკატების თქმით, მუხთარლი ჩვენებაში დეტალურად აღწერს როგორ და საიდან მოხდა მისი გატაცება. ჩვენება ქართულად უკვე ითარგმნა და ადვოკატები მას პროკურატურაში შეიტანენ. უფლებადამცველები ფიქრობენ, რომ ეს საკმარისი საფუძველია, საქართველოს მთავარმა საგამოძიებო უწყებამ ჟურნალისტის გატაცების ფაქტი გამოიძიოს.
