ნიუ-იორკის ცენტრალურ პარკში აფეთქების შედეგად ერთი ახალგაზრდა დაშავდა.
ამერიკული მედიის ინფორმაციით სტუდენტმა ასაფეთქებელ მოწყობილობას ფეხი დააბიჯა და მძიმე დაზიანებები მიიღო.
ახალგაზრდა ჰოსპიტალიზებულია. თითმხილველების თქმით, მან ქვედა კიდურის ნაწილი დაკარგა.
ნიუ-იორკის პოლიციაში აცხადებენ, რომ მომხდარი ინციდენტი ტერორიზმს არ უკავშირდება. ვარაუდობენ, რომ პარკში ხელნაკეთი პიროტექნიკა აფეთქდა, რომელსაც დამოუკიდებლობის დღის აღსანიშნავად ამზადებდნენ.
ამჟამად დაშავებული ახალგაზრდა მამაკაცის მდგომარეობა სტაბილურად მძიმეა.
