აფეთქება მოხდა სტამბოლის გოგჩენის სახელობის აეროპორტში. შედეგად დაშავდა დასუფთავების სამსახურის ორი თანამშრომელი. ორივე საავადმყოფოშია გადაყვანილი.
ერთ-ერთ დაჭრილს დაზიანებები თავის არეში აქვს მიყენებული და მისი მდგომარეობა მძიმეა. ჯერჯერობით უცნობია აფეთქების გამომწვევი მიზეზი.
თურქული მედიის ცნობით, მომხდარის გამო აეროპორტის მუშაობა არ შეფერხებულა.
