ანრი ოხანაშვილი – ევროკავშირის ელჩმა აღნიშნა, რომ მოსამართლეთა შერჩევაზე ჩვენი ხედვა სწორი გზაა

region
ავტ.: region თებერვალი 19, 2019 18:49

ანრი ოხანაშვილი – ევროკავშირის ელჩმა აღნიშნა, რომ მოსამართლეთა შერჩევაზე ჩვენი ხედვა სწორი გზაა

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი საქართველოში ევროკავშირის ელჩს, კარლ ჰარცელს შეხვდა.

შეხვედრაზე მართლმსაჯულების სისტემის რეფორმაზე იმსჯელეს.

„მართლმსაჯულების სფეროში რეფორმის წარმართვისა და მეტი რეფორმის გატარებისთვის ევროკავშირის ელჩმა შეხვედრაზე თანამშრომლობის მზაობა და მზადყოფნა დამიდასტურა. ავუხსენი ჩვენი ხედვა, რომელზეც პარლამენტის თავმჯდომარემაც ისაუბრა, რომ უზენაესი სასამართლოს მოსამართლეების შერჩევის პროცესი გამჭვირვალე და ხანგრძლივი უნდა იყოს. ასევე საზოგადოებას ამ პროცესისადმი ნდობა უნდა ჰქონდეს. ევროკავშირის ელჩმა აღნიშნა, რომ ეს სწორი გზა და სწორი მიმართულებაა. მან აღნიშნული რეფორმების განხორციელებაში მხარდაჭერა აღგვითქვა“, – განაცხადა იურიდიულ საკითხთა კომიტეტის თავმჯდომარემ.

შეხვედრაზე საუბარი ცხრა დეპუტატის მიერ მომზადებულ კანონპროექტსაც შეეხო, რომელსაც იურიდიულ საკითხთა კომიტეტმა მხარი არ დაუჭირა.

„რაც შეეხება მოსამართლეთა უვადოდ დანიშვნის შეჩერებასთან დაკავშირებულ კანონპროექტს , რომელზეც გუშინ ვიმსჯელეთ, ელჩს დეტალურად ავუხსენი კანონპროექტის არსი რაში მდგომარეობდა. ასევე პრობლემური საკითხები, რომელიც კანონპროექტს უკავშირდებოდა. მან ეს მოისმინა და დამეთანხმა იმაში, რომ სამართლიანობის პრობლემა ნამდვილად შეიქმნებოდა, თუ ჩვენ ამ კანონპროექტს მხარს დავუჭერდით, ვინაიდან თუ ადამიანი კეთილსინდისიერი და პროფესიონალია, სასამართლო სისტემაში ახლახან შევიდა და სამ წლიანი გამოსაცდელი ვადით დაინიშნა, რა უფლებით შეგვიძლია, შევუზღუდოთ, უვადო წესით დაინიშნოს. ეს მთელი რიგი საკითხებია, რომელიც კონსტიტუციას და სამართლიანობას უკავშირდება. ელჩს ეს პოზიციები გავუზიარე“ – განაცხადა ანრი ოხანაშვილმა.

region
ავტ.: region თებერვალი 19, 2019 18:49

Google სტატისტიკა


5,155
ვიზიტორი
დღეში
Powered By Google Analytics