„კიდევ ერთხელ ვადასტურებთ, რომ ე.წ ქვაფინელების საქმეზე მუშები ვიცე-მერის, ბატონ გია გულორდავას სახლში ოთხი დღე მუშაობდნენ, მაგრამ ხელფასი არ გადაუხადეს, უფრო სწოად, ხელფასის გადახდა ქვეკონტრაქტორ „ამი-2014“-ს დააკისრეს,“ – ეს განცხადება „ერთიანი ნაციონალური მოძრაობის“ წევრმა, ანი წითლიძემ ზუგდიდში, პროკურატურის წინ გამართულ საგანგებო ბრიფინგზე გააკეთა. მისივე თქმით, ზუგდიდის ვიცე-მერი გია გულორდავა გარეულია კომპანიის საბოლოო გაკოტრებაში, რამაც მუშებისთვის ხელფასების გაცემა ვერ უზრუნვეყო. იმ მუშებს, რომელებიც აქტიუროდნენ და აქციებს მართავდნენ, ხელფასის ნაწილი დაურგდათ. ანი წითლიძის განცხადებით, ხეფლასის გაცემას ფინანსური პოლიციის წარმომადგენელი ესწრებოდა. „მიუხედავად იმისა, რომ მთელი ძალოვანი სტუქტურები მაფიოზი გუბერნატორ შონიას ხელში არიან, ვითხოვ, ამ საქმეზე დამკითხონ, რადგან თავიდანვე ვიყავი ჩართული და ვიცავდი მუშების უფლებებს. ასევე, დაიკითხოს ვიცე-მერი გულორდავა,“ – აცხადებს ანი წითლიძე.
„თაიმერი“ ზუგდიდის ვიცე-მერ გია გულორდავას დაუკავშირდა, რომელმაც დაადსტურა, რომ მუშები მის სახლში იმყოფებოდნენ: „მუშები სახლში, მართლაც, მუშაობდნენ, მაგრამ სამუშაოს უხარისხოდ ასრულებდნენ, რადგან როგორც მითხრეს, ამ ტიპის საქმეს პირველად აკეთებდნენ.“ რაც შეეხება ხელფასის გაცემას, გულორდავას განაცხადებით, მუშებს თანხა აღებული აქვთ.
შეგახსენებთ, რომ გია გულორდავა საპარლემენტო უმცირესობის წევრ ნუგზარ წიკლაურისგან ცილისწამების გამო ბოდიშის მოხდას ითხოვს. ამასთან, ვიცე-მერი მზადაა, რომ მისი მიმართ გამოთქმული ბრალდებების გამო სამართალდამცავებთანაც ითანამშრომლოს, რადგან საკუთარ სიმართლეში დარწმუნებულია. საქმე ეხება „ერთიანი ნაციონალური მოძრაობის“ წევრის, ნუგზარ წიკლაურის მიერ 16 მარტს გაკეთებულ განცხადებას, როცა წიკლაურმა გულორდავას რამდენიმე ბრალდება წაუყენა. პარლამენტარის სიტყვებით, ქალაქში ტროტუარების მოპირკეთების სამუშაოების შემსრულებელი კომპანიის გამოვლენაში აქტიურად იყო ჩართული ვიცე-მერი, რომელმაც ქალაქის ფეხითსავალი ნაწილის კეთილმოწყობის გარდა, მუშები საკუთარი ეზოს კეთილმოწყობაზეც ამუშავა.
