გერმანიის კანცლერმა ანგელა მერკელმა განაცხადა, რომ ვერ ხედავს მისი გადადგომის აუცილებლობას. ამის შესახებ იუწყება სააგენტო “Reuters”. მერკელის თქმით, იგი მზადაა კანცლერის თანამდებობა კიდევ 4 წლით შეინარჩუნოს. მან აღნიშნა, რომ “ახლა მთავარია ევროპისთვის იმის დემონსტრირება, რომ გერმანიაში სტაბილურობაა”.
შეგახსენებთ, პარტიამ “ალტერნატივა გერმანიისთვის” გადადგომისკენ მოუწოდა ანგელა მერკელს. ეს მოწოდება მას შემდეგ გაჟღერდა, რაც “მწვანეებმა”და “გერმანიის თავისუფალმა პარტიამ” უარი განაცხადეს” ბუნდესტაგში მერკელის ბლოკთან ერთად კოალიციაში შესვლაზე.