„ანგარიშში ცალსახად არის მითითებული, რომ პოლიციელების მხრიდან არასათანადო მოპყრობის ფაქტები შინაგან საქმეთა სამინისტროში არ დაფიქსირებულა“

თაიმერი timer.ge
ავტ.: თაიმერი timer.ge მაისი 10, 2019 18:05

„ანგარიშში ცალსახად არის მითითებული, რომ პოლიციელების მხრიდან არასათანადო მოპყრობის ფაქტები შინაგან საქმეთა სამინისტროში არ დაფიქსირებულა“

წამების პრევენციის ევროპულმა კომიტეტმა (CPT) ანგარიში გამოაქვეყნა,
რომელიც ეყრდნობა კომიტეტის დელეგაციის მიერ 2018 წლის 10-21 სექტემბერს
საქართველოში განხორციელებულ ვიზიტს. მათ შორის, ანგარიში ეხება შინაგან
საქმეთა სამინისტროს დროებითი მოთავსების იზოლატორისა და მიგრაციის
დეპარტამენტის დროებითი განთავსების ცენტრის საქმიანობას. ანგარიშის
შესახებ შინაგან საქმეთა მინისტრის მოადგილე ნათია მეზვრიშვილმა დეტალური
განმარტება გააკეთა.
„როგორც უკვე აღინიშნა, ამ ანგარიშში შეფასებულია შინაგან საქმეთა
სამინისტროს საქმიანობა. ანგარიშში პირდაპირ არის აღნიშნული, რომ კომიტეტი
პოზიტიურად აფასებს შინაგან საქმეთა სამინისტროს მიერ გადადგმულ ნაბიჯებს
არასათანადო მოპყრობის წინააღდეგ ბრძოლის მიმართულებით. ასევე, ანგარიშში
ცალსახად არის მითითებული, რომ საანგარიშო პერიოდში, პოლიციელების მხრიდან
არასათანადო მოპყრობის ფაქტები შინაგან საქმეთა სამინისტროში არ
დაფიქსირებულა. ეს გახლავთ შედეგი იმ ძალისხმევისა, რომელიც შინაგან
საქმეთა სამინსიტრომ გასული წლის განმავლობაში გასწია და ასევე, შედეგი იმ
კონკრეტული ნაბიჯებისა, რომელიც ჩვენ კონკრეტული მიმართულებებით გადავდგით.
კომიტეტმა პოზიტიურად შეაფასა სამხრე კამერებით პატრულ-ინსპექტორების
აღჭურვა. ასევე, პოზიტიურად შეაფასა ადამიანის უფლებათა დაცვის
დეპარტამენტის შექმნა და პოლიციის აკადემიაში, ჩვენი თანამშრომლების,
პოლიციელების მუდმივი გადამზადება. ასევე, საკმაოდ პოზიტიურად არის
შეფასებული დროებითი მოთავსების იზოლატორებში და მიგრაციის დეპარტამენტის
დროებითი განთავსების ცენტრში მოთავსებული პირების უფლებების დაცვის
მდგომარეობა. როგორც ადვოკატზე წვდომის, ისე თარჯიმანსა და სხვა სერვისებზე
წვდომის ნაწილში.
დადებითად არის შეფასებული ასევე, ამ სტრუქტურულ დანაყოფებში არსებული
ინფრასტრუქტურა, ჰიგიენური პირობები და თანამშრომელთა კვალიფიკაცია. რაც
ყველაზე მეტად აღსანიშნავია, წვდომა სამედიცინო მომსახურებაზე, რაც გახლავთ
არასათანადო მოპყრობის წინააღმდეგ ბრძოლის მიმართულების ერთ-ერთი მთავარი
და განმსაზღვრელი ინდიკატორი.
რა თქმა უნდა, კომიტეტმა შინაგან საქმეთა სამინისტროს მისცა გარკვეული
რეკომენდაციები, რომელთა მნიშვნელოვანი ნაწილი ჩვენ უკვე მისი ვიზიტის
დასრულების შემდეგ, შესრულებული გვაქვს და ეს გახლავთ რეკომენდაციები,
რომლებიც ძირითადად მიმართულია არსებული სიტუაციის კიდევ უფრო
გაუმჯობესებისკენ და რეკომენდაციები, რომლებიც პრინციპში თანხვედრაშია იმ
რეფორმებთან, რომლებსაც შინაგან საქმეთა სამინისტრო ახორციელებს და რაც
მომავალში გვაქვს დაგეგმილი,“ – განაცხადა ნათია მეზვრიშვილმა.

თაიმერი timer.ge
ავტ.: თაიმერი timer.ge მაისი 10, 2019 18:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,479
ვიზიტორი
დღეში
Powered By Google Analytics