ანექსირებული ყირიმის ნახევარკუნძულის თვითგამოცხადებული გუბერნატორი აქსიონოვი უკრაინას ყირიმში მდებარე დასახლება “ფოროსში” სკოლისა და პანსიონატის დაბომბვაში ადანაშაულებს და წერს, რომ დრონებით იერიშის შედეგად 3 ადამიანი დაიღუპა, 16-მა დაზიანებები მიიღო.
მისივე თქმით, დრონის ნამსხვრევები ჩამოვცვივდა მიმდებარე ტერიტორიაზე, რის გამოც დასახლებასთან ახლოს, ხმელ ბალახს ცეცხლი მოედო.
უკრაინის ოფიციალურ სტრუქტურებს ამ ბრალდებასთან დაკავშირებით განცხადება ამ დრომდე არ გაუკეთებიათ, უკრაინული წყაროები კი ოკუპირებულ ყირიმში, რუსი სამხედროების დისლოკაციის ადგილებში ხანძრის კერებსა და აფეთქებებს ადასტურებენ.
