” ანაკლიის პროექტს ვერავინ ჩაშლის, არ დაიჯეროთ, არსებობს ინვესტირებული მილიონობით თანხა”

region
ავტ.: region დეკემბერი 31, 2019 16:03

” ანაკლიის პროექტს ვერავინ ჩაშლის, არ დაიჯეროთ, არსებობს ინვესტირებული მილიონობით თანხა”

პარტიის „ლელო საქართველოსთვის“ თავმჯდომარე მამუკა ხაზარაძის განცხადებით, ბიძინა ივანიშვილი ცდილობს აჩვენოს, თითქოს „ანაკლიის განვითარების კონსორციუმმა“ ვალდებულებები ვერ შეასრულა, რაც სიმართლეს არ შეესაბამება.

ხაზარაძის თქმით, არსებობს ინვესტირებული მილიონობით თანხა, თუმცა პროექტის გაჩერების დავალება ივანიშვილმა რუსეთისგან მიიღო.

ხაზარაძე ამბობს, რომ ანაკლიის პროექტს ვერავინ ჩაშლის.

„ანაკლიის პროექტს ვერ ჩაშლის ვერავინ, მითუმეტეს ბიძინა ივანიშვილის დიდი მცდელობისა, რომ სახელმწიფომ გამოაცხადოს, თითქოს ვერ შევასრულეთ პირობები, ეს არის სრული სიცრუე, დავალებაა რუსეთიდან, რომ ბიძინა ივანიშვილმა ყველა მეთოდით გააჩეროს ანაკლიის პროექტი. დავპირდი საზოგადოებას, რომ ანაკლიის პროექტი და ქალაქი ანაკლია აუცილებლად აშენდება, „ქართული ოცნების“ ხელისუფლების გაშვების შემდეგ. ყველა ზღაპარი, რომელსაც გვიყვებიან, მინდა, მოსახლეობას ვუთხრა, არ დაიჯეროთ, არსებობს ინვესტორიც, არსებობს ინვესტირებული მილიონობით თანხა, არსებობს ბანკებიდან მოზიდული თანხები, ეს ტყუილი არ დაიჯეროთ, ანაკლიას ავაშენებთ აუცილებლად და ავაშენებთ ჩვენი ქეყნისთვის, ჩვენი მომავალი თაობისთვის. ორი წლის განმავლობაში ჩვენ გვებრძვიან არა მხოლოდ პერსონალურად, არამედ ებრძვიან პროექტს და ეს არის დაახლოებით ისეთივე სიტუაცია, როდესაც ქვეყანას დაპირდნენ პროპორციულ არჩევნებს და ერთ-ერთ მაჟორიტარს დააბრალეს პროპორციული არჩევნების ჩაშლა. მსგავსი სცენარის განვითარება უნდა ბიძინა ივანიშვილს, თითქოს ვერ შევასრულეთ ვალდებულება და ვერ მოვიყვანეთ ინვესტორები, ეს არის ტყუილი, ეს არ ეწერება არანაირ რეალობაში“ ,- განაცხადა მამუკა ხაზარაძემ.

region
ავტ.: region დეკემბერი 31, 2019 16:03