,,ანაკლიის პორტი ბიძინა ივანიშვილისთვის გახდა აშშ-სთან დაპირისპირების და იატაკქვეშა ბრძოლის ერთ-ერთი საბაბი”

ანაკლიის პორტი ბიძინა ივანიშვილისთვის გახდა აშშ-სთან დაპირისპირების და იატაკქვეშა ბრძოლის ერთ-ერთი საბაბი, – ამის შესახებ ფრაქცია „ერთიანი ნაციონალური მოძრაობის“ ლიდერმა რომან გოცირიძემ განაცხადა.

გოცირიძის აზრით, ივანიშვილისა და კვირიკაშვილის დაპირისპირების საგანი სწორედ შეერთებულ შტატებთან ურთიერთობები გახდა.

„არა მგონია, რომ კვირიკაშვილის და ივანიშვილის დაპირისპირების საგანი ყოფილიყო ანაკლიის პორტი. მთავარი დაპირისპირების საგანი იყო ივანიშვილის ეჭვები, რომ ამერიკელებთან და დასავლეთთან ვინმეს არ ჰქონოდა ისეთი ურთიერთობა, რომელიც მის ხელისუფლებას აქ რაღაცნაირად შეასუსტებდა. ანაკლიის პორტი არის უზარმაზარი პროექტი, რომელსაც, ლობირებს დასავლეთი. ამერიკული ინვესტიციები და ანაკლიის პორტთან დაკავშირებული ადამიანები, მათ შორის ბიზნესმენები, თუნდაც მამუკა ხაზარაძე გაცილებით დაცულია ივანიშვილის ზემოქმედებისაგან, ვიდრე ისინი, რომელსაც ასეთი ფარი არ აქვთ“, – განაცხადა რომან გოცირიძემ.

banner
წინა სტატიაშიპარლამენტს მთავრობის განახლებული შემადგენლობა წარედგინა, რომელშიც მინისტრობის სამი ახალი კანდიდატია
შემდეგი სტატიააქციამ ოზურგეთის საკრებულოში გადაინაცვლა – თავმჯდომარის კაბინეტთან სამი დეპუტატი შიმშილობს