საქართველოს პარლამენტი დღეს პრეზიდენტის მიერ უზენაესი სასამართლოს მოსამართლის თანამდებობაზე წარდგენილ კანდიდატებზე იმსჯელებს. სამივე დასახელებულ კანდიდატს – ლევან ბოძაშვილს, ნონა თოდუასა და თამარ ლალიაშვილს იურიდიულ საკითხთა კომიტეტი მოუსმენს.
პრეზიდენტის საპარლამენტო მდივანი ანა დოლიძე იმედს გამოთქვამს, რომ დეპუტატები სახელმწიფოებრივი პოზიციიდან იმოქმედებენ:
„მოგეხსენებათ, საქართველოს უზენაეს სასამართლოს უკვე 6 თვეა შექმნილი აქვს 3 მოსამართლის ვაკანსია. ჩვენ იმედი გვაქვს დეპუტატების სახელმწიფოებრივი პოზიციის ამ საკითხის მიმართ“, – განაცხადა დოლიძემ იურიდიული კომიტეტის სხდომის დაწყებამდე .