დაავადებათა კონტროლის ეროვნული ცენტრის ხელმძღვანელის ამირან გამყრელიძის ინფორმაციით, საქართველოს ჯანდაცვის სამინისტროს ერთ-ერთ წამყვან კომპანიასთან უკვე გაფორმებული აქვს ხელშეკრულება და ქვეყანა „რემდესივირს“ ახლო მომავალში მიიღებს.
„როგორც ვიცი, ჯანდაცვის სამინისტროს გაფორმებული აქვს ხელშეკრულება ერთ-ერთ წამყვან კომპანიასთან და ვიცი, რომ სულ მალე უნდა იყოს ქვეყანაში გამოსაყენებლად, მაგრამ „რემდესივირი“ არ არის ყოველდღიური ხმარების მედიკამენტი, ის გამოიყენება მხოლოდ და მხოლოდ ექიმის დანიშნულებით, შესაბამისი ჩვენებებით კლინიკაში და არა ამბულატორიაში“, – განაცხადა გამყრელიძემ.
