ამერიკის სპეცსამსახურებს პაკისტანელი ექიმის შაკილ აფრიდის ციხიდან განთავისუფლების ოპერაცია ჩაუვარდათ – ექიმი დაეხმარა ამერიკელებს “ალ-ქაიდას” ლიდერის უესამა ბენ ლადენის ადგილმდებარეობის დადგენაში – რუსული მედია საკუთარ წყაროებზე დაყრდნობით ავრცელებს.
“ოპერაციის შესახებ ინფორმაცია პაკისტანის დაზვერვის სამსახურებს ორმაგმა აგენტმა გადასცა, რომელიც ამავე დროს ცენტრალურ სადაზვერვო სამმართველოსთანაც მუშაობს” – ამბობს რუსული წყარო. ოპერაციის შესახებ ინფორმაციის მიღების შემდეგ აფრიდი სხვა ციხეში გადაიყვანეს.
2011 წელს აფრიდი ამერიკის დაზვერვის სამსახურების დავალებით მოქმედებდა. მან აბუ აჰმედ ალ-ქუვეითის ტელეფონის ნომერი გაიგო, რომლის სახლშიც იმალებოდა ბენ ლადენი. ექიმს 33 წლით თავისუფლების აღკვეთა მიუსაჯეს საკუთარ ქვეყანაში. შემდეგ განაჩენი 10 წლით შეუმცირეს.