ამერიკის შეერთებულმა შტატებმა ბელორუსისთვის სანქციების გახანგრძლივების გადაწყვეტილება მიიღო. ინფორმაცია ამის შესახებ თეთრი სახლის ოფიციალურ ვებგვერდზეა გამოქვეყნებული.
დოკუმენტში ნათქვამია: „ბელორუსის ხელისუფლების ზოგიერთი წევრის მოქმედება და პოლიტიკა ამერიკის შეერთებული შტატების ეროვნულ უსაფრთხოებასა და საგარეო პოლიტიკას მზარდ საფრთხეს უქმნის.“
აღნიშნული საფრთხის ლიკვიდირების მიზნით, ვაშინგტონმა 2006 წლის 16 ივნისს დაწესებული სანქციების გახანგრძლივების გადაწყვეტილება მიიღო.
