ამერიკის მიჩიგანის შტატის ქალაქ გრანდ-რაპიდსის სასამართლომ გაამართლა პოლიციელები, რომლებმაც ადგილობრივი სახლის ჩხრეკისას ორი ძაღლი მოკლეს – წერს The Independent-ი.
გადაწყვეტილება საჩივარის განხილვისას მიიღეს, რომელიც ძაღლის პატრონებმა შეიტანეს. ერთ-ერთი პოლიციელის თქმით, მან ძაღლი მას შემდეგ მოკლა, რაც ის თავს დაესხა. მისმა მეწყვილემ მეორე ძაღლი მოკლა მაშინ, როცა მან ყეფა დაიწყო.
“დღეს ჩვენ გადავწყვიტეთ: თუკი ძაღლი პოლიციელის უსაფრთხოებას ემუქრება მაშინ, როცა მას აქვს სახლის გაჩხრეკის ორდერი, სადაც შესაძლებელია ნარკოტიკები ყოფილიყო, კონსტიტუციის მეოთხე შესწორების გამოყენება სრულიად გამართლებულია” – განაცხადა მოსამართლე ერიკ კლეიმ თავის გადაწყვეტილებაში. მან თქვა, რომ ბრალმდებელებმა ვერ დაამტკიცეს ის, რომ მათი ძაღლები არ ყეფდნენ და თავს არ ესხმოდნენ პოლიციელებს.