ამერიკის საელჩო – საქართველო, ჩვენ თქვენს გვერდით ვართ

თაიმერი timer.ge
ავტ.: თაიმერი timer.ge აგვისტო 7, 2018 16:13

ამერიკის საელჩო – საქართველო, ჩვენ თქვენს გვერდით ვართ

მნიშვნელოვანი

  • საქართველოში ამერიკის შეერთებული შტატების საელჩო 2008 წლის აგვისტოს ომის ათი წლისთავთან დაკავშირებით მორიგ განცხადებას ავრცელებს. როგორც განცხადებაშია აღნიშნული, აშშ გააგრძელებს მუშაობას, რათა უზრუნველყოფილი იყოს მსოფლიოს უწყვეტი მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში.

სხვა სტატიები

საქართველოში ამერიკის შეერთებული შტატების საელჩო 2008 წლის აგვისტოს ომის ათი წლისთავთან დაკავშირებით მორიგ განცხადებას ავრცელებს. როგორც განცხადებაშია აღნიშნული, აშშ გააგრძელებს მუშაობას, რათა უზრუნველყოფილი იყოს მსოფლიოს უწყვეტი მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში.

„ათი წლის წინ, დღევანდელ დღეს, რუსეთი საქართველოს სუვერენულ სახელმწიფოში შეიჭრა. კონფლიქტმა ასობით ადამიანი იმსხვერპლა, ათასობით მშვიდობიანი მოქალაქე აიძულა, საკუთარი სახლი დაეტოვებინა და დაიწყო დამანგრეველი ოკუპაცია, რომელმაც საქართველოს ტერიტორიის ოცი პროცენტი მოიცვა. ომის შედეგად დევნილები ჯერ კიდევ ვერ უბრუნდებიან საკუთარ სახლებს. ოკუპირებული ტერიტორიების მოსახლეობას კი წაერთვა შესაძლებლობა, მონაწილე ყოფილიყო ბოლო ათწლეულის განმავლობაში მიღწეული ქვეყნის მნიშვნელოვანი ეკონომიკური და პოლიტიკური პროგრესისა.

ოკუპაცია ათი წელია გრძელდება – ათი ხანგრძლივი წელი. ჩვენ გავაგრძელებთ მუშაობას საქართველოს მთავრობასა და ხალხთან, ასევე, ჩვენს მეგობრებთან და მოკავშირეებთან, რათა ერთად უზრუნველვყოთ მსოფლიოს უწყვეტი მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში.

საქართველო, ჩვენ თქვენს გვერდით ვართ“, – ნათქვამია საქართველოში ამერიკის შეერთებული შტატების საელჩოს განცხადებაში.

თაიმერი timer.ge
ავტ.: თაიმერი timer.ge აგვისტო 7, 2018 16:13

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,376
ვიზიტორი
დღეში
Powered By Google Analytics