“TV პირველის” ინფორმაციით, ამერიკის შეერთებული შტატების დელეგაცია საქართველოში, სავარაუდოდ, მომავალ კვირას ჩამოვა.
მედიის ინფორმაციით, დაგეგმილი ვიზიტი მეტწილად ეკონომიკური ხასიათის იქნება, რაც კიდევ ერთხელ გამოკვეთს დონალდ ტრამპის ადმინისტრაციის ეკონომიკურ ინტერესებს რეგიონში.
არსებული ცნობებით, აშშ-ის დელეგაციის წარმომადგენლები შეხვედრებს გამართავენ როგორც “ქართული ოცნების” წევრებთან, ისე ოპოზიციასა და სამოქალაქო სექტორთან.
შეგახსენებთ, რომ ლევან მახაშვილის განცხადებით, აპრილში ამერიკის შეერთებული შტატებიდან საქართველოში ჩამოვა ჯგუფი, რომელიც საქართველოში მიმდინარე პროცესებს შეისწავლის.
მისივე თქმით, თითოეული ვიზიტით ორივე მხარე ურთიერთობის ნულიდან აღდგენას ცდილობს.
