აშშ-ის სამხედროებმა დააკავეს კიდევ ერთი ტანკერი, რომელიც ირანული ნავთობის კონტრაბანდასთან არის დაკავშირებული.
აშშ-ის თავდაცვის დეპარტამენტმა გამოაქვეყნა ვიდეომასალა, რომელშიც ასახულია ამერიკული ძალები ინდოეთის ოკეანეში დაკავებული ნავთობტანკერის, Majestic X-ის გემბანზე.
„ჩვენ გავაგრძელებთ საზღვაო სამართალდამცავ საქმიანობას გლობალური მასშტაბით, რათა დავშალოთ უკანონო ქსელები და დავაკავოთ ის გემები, რომლებიც მატერიალურ მხარდაჭერას უწევენ ირანს, მიუხედავად მათი ადგილსამყოფელისა“,_ ნათქვამია პენტაგონის განცხადებაში.
გემების გადაადგილების მონიტორინგის მონაცემებით, Majestic X იმყოფებოდა ინდოეთის ოკეანეში, შრი-ლანკასა და ინდონეზიას შორის — დაახლოებით იმავე ლოკაციაზე, სადაც ადრე ამერიკულმა ძალებმა ნავთობტანკერი Tifani დააკავეს. გემი ჩინეთისკენ, კერძოდ ჯოუშანისკენ მიემართებოდა.
როგორც The Times of Israel იუწყება, ირანის მხრიდან ტანკერის დაკავების შესახებ ცნობაზე დაუყოვნებლივი რეაგირება არ მომხდარა.
გავრცელებული ინფორმაციით, ეს დაკავება მოხდა ერთი დღის შემდეგ მას მერე, რაც ირანი ჰორმუზის სრუტეში თავს დაესხა სამ სატვირთო გემს და მათგან ორი დაატყვევა. ამ ნაბიჯმა გაამწვავა ირანის იერიშები გადაზიდვებზე ამ საკვანძო წყალსავალ გზაზე, რომელზეც მშვიდობიანობის დროს მსოფლიო ნავთობით ვაჭრობის 20% მოდის.
Majestic X გაიანის დროშის ქვეშ მცურავი ნავთობტანკერია. ადრე მას Phonix ერქვა და 2024 წელს აშშ-ის ხაზინის დეპარტამენტის მიერ სანქცირებული იყო ირანული ნედლი ნავთობის კონტრაბანდის გამო, რითაც ირღვევოდა ისლამური რესპუბლიკის წინააღმდეგ დაწესებული ამერიკული სანქციები.
Overnight, U.S. forces carried out a maritime interdiction and right-of-visit boarding of the sanctioned stateless vessel M/T Majestic X transporting oil from Iran, in the Indian Ocean within the INDOPACOM area of responsibility.
We will continue global maritime enforcement to… pic.twitter.com/SWF6Jt9Ci4
— Department of War 🇺🇸 (@DeptofWar) April 23, 2026
