ამერიკელი მწერლისა და დრამატურგის ტრუმენ კაპოტეს ფერფლი აუქციონზე გაიტანეს გადაყიდად. აუქციონის სახლი Julien’s სპეცილიზირებულია ცნობილი ადამიანების ნივთებზე. მწერლის ფერფლის საწყისი ფასი 2 ათასი დოლარია.
“დარწმუნებული ვარ, რომ ადამიანები ამ ფაქტში უპატივცემლობას დაინახავენ. მაგრამ ფაქტია, რომ ტრუმან კაპოტეს პუბლიკის შოკირება უყვარდა. და დარწმუნებული ვარ, რომ ის ახლა მაღლიდან გვიყურებს, იცინის და ფიქრობს: მეც ასე ვიზამდი” – მწერლის ფერფლის გაყიდვაზე ასეთი კომენტარი გააკეთა აუქციონის სახლის ხელმძღვანელმა დარან ჯულიენმა.
მისი თქმით, ეს პირველი შემთხვევაა, როცა აუქციონი ადამიანის სხეულის ნარჩენებს ყიდის.
კაპოტე მე-20 საუკუნის ამერიკული ლიტერატურის ცნობილი რომანისტი და დრამატურგია. ის არის პოპულარული წიგნის “საუზმე ტიფანისთან” ავტორი, რომლის მიხედვითაც ბლეიკ ედვარდსმა იგივე სახელწოდების ფილმი გადაიღო.
აუქციონი 24 სექტემბერს გაიმართება.