ამერიკელი კონგრესმენები საქართველოში შეხვედრებს დღეიდან დაიწყებენ

ვის აფინანსებდნენ რუსეთის სპეცსამსახურები აღმოსავლეთ ევროპაში და ყოფილ საბჭოთა ქვეყნებში? - დაინტერესდა აშშ კონგრესი

საქართველოს ამერიკის შეერთებული შტატების კონგრესის დელეგაცია სტუმრობს. დელეგაციას საქართველოს პრემიერ-მინისტრი ირაკლი ღარიბაშვილი მასპინძლობს.

ვიზიტის ფარგლებში დელეგაციის წევრები შეხვედრებს გამართავენ საქართველოს ხელისუფლების წარმომადგენლებთან, კერძოდ, პრემიერ-მინისტრ ირაკლი ღარიბაშვილთან, ვიცე-პრემიერთან, საგარეო საქმეთა მინისტრ დავით ზალკალიანთან, საქართველოს თავდაცვის მინისტრ ჯუანშერ ბურჭულაძესთან და ეკონომიკისა და მდგრადი განვითარების მინისტრ ნათია თურნავასთან. გაიმართება შეხვედრა საქართველოს პარლამენტშიც. ვიზიტის ფარგლებში, კონგრესმენები ასევე მოინახულებენ საოკუპაციო ხაზს.

შეხვედრების დროს მთავარი განსახილველი თემები ორ ქვეყანას შორის სტრატეგიულ თანამშრომლობასა და უსაფრთხოებას შეეხება. დელეგაციის შემადგენლობაში შედიან კონგრესმენები ალექს ქსავიერ მუნი (დასავლეთ ვირჯინია), ბრაიან ჯორჯ სტილი (ვისკონსინი), კელი მაიკლ არმსტრონგი (ჩრდ. დაკოტა), კეროლ დევინ მილერი (დასავლეთ ვირჯინია) და რონალდ ჯინ ესტესი (კანზასი).

„ამერიკელი კონგრესმენების ვიზიტი საქართველოში არის მნიშვნელოვანი მოვლენა. განსაკუთრებით, რეგიონში და არამხოლოდ რეგიონში მიმდინარე მოვლენების ფონზე. ჩვენ, ბუნებრივია, ამ ვიზიტს გამოვიყენებთ, რათა ამერიკელ კოლეგებთან განვიხილოთ უსაფრთხოების თემები, ის გამოწვევები, რაც დგას ჩვენი ქვეყნის წინაშე, დეტალურად განვიხილოთ ეს საკითხები. ბუნებრივია, ჩვენი საუბარი შეეხება სტრატეგიულ თანამშრომლობას ამერიკის შეერთებულ შტატებთან, რასაც უდიდესი მნიშვნელობა ენიჭება საქართველოსთვის, განსაკუთრებით დღეს მიმდინარე მოვლენების ფონზე. ჩვენთვის მნიშვნელოვანია, რომ ამერიკის შეერთებული შტატების მხრიდან ორპარტიული მხარდაჭერა, რითაც დღეს სარგებლობს ჩვენი ქვეყანა, დარჩეს ასე და გაგრძელდეს, გაღრმავდეს, გაძლიერდეს. ბუნებრივია, ჩვენი საუბრის მთავარი თემა იქნება, თუ რა გზებით შეიძლება, გავაღრმაოთ სტრატეგიული თანამშრომლობა ამერიკის შეერთებულ შტატებთან“, – განაცხადა მაკა ბოჭორიშვილმა.

ამერიკის შეერთებული შტატების კონგრესის დელეგაციის ვიზიტი დღეს დაიწყება და 9 სექტემბრამდე გაგრძელდება.

banner
წინა სტატიაშიმამუკა ხაზარაძე – საქართველოს პრემიერ-მინისტრმა დღეს პრაქტიკულად დაადასტურა, რომ თავადაც ბოტია
შემდეგი სტატიაკახა კალაძე: საზოგადოებრივი ტრანსპორტის ამუშავების გადაწყვეტილება საკოორდინაციო საბჭოს რეკომენდაციების შესაბამისად მიიღება