ავიაკომპანია American Airlines-ის სამგზავრო თვითმფრინავი, ცეცხლმოკიდებული ძრავის გამო, გუშინ საავარიოდ დაეშვა ტეხასში. ინციდენტი ვიდეოზე გამცილებელმა ემბერ ფოკსმა გადაიღო და “ინსტაგრამის” საკუთარ გვერდზე განათავსა.
როგორც ტელეარხი Fox 4 News ავრცელებს, საგანგებო სიტუაცია აფრენიდან რამდენიმე წუთში შეიქმნა გუშინ, ქალაქ დალასში. თვითმფრინავის ბორტზე 130 მგზავრი იმყოფებოდა.
პრობლემის აღმოჩენის შემდეგ, თვითმფრინავი აეროპორტში დაბრუნდა და უპრობლემოდ დაეშვა. ინციდენტის შედეგად არავინ დაშავებულა.
https://youtu.be/7s2Zxn2m0ec