ამბროლაურის მუნიციპალიტეტის სოფელ აბარში ხანძარია. ცეცხლი ბალახსა და ბუჩქებს უკიდია.
რაჭა-ლეჩხუმისა და ქვემო სვანეთის გუბერნატორის, არჩილ ჯაფარიძის ინფორმაციით, ცეცხლი დაახლოებით ერთ ჰექტარ ფართობზეა გავრცელებული. ადგილზე მუშაობენ მეხანძრე-მაშველები. ჯაფარიძის თქმით, ხანძრის დასახლებულ პუნქტზე გავრცელების საშიშროება არ არსებობს.
ასევე ხანძარია ონის მუნიციპალიტეტის სოფელ ხიდეშლების ტყეში. გუბერნატორის ინფორმაციით, ვერტმფრენის ჩართვის აუცილებლობა ამ ეტაპზე არ არის.
