“ამაზონის” დამფუძნებელი და უმდიდრესი ადამიანი დედამიწაზე ჯეფ ბეზოსი საკუთარი კომპანიის მიერ შექმნილი კოსმოსური ხომალდის New Shepard ბორტზე ავა 20 ივლისს კოსმოსში გასაფრენად. კოსმოსურ კაფსულაში სხვა ადგილები მალე გავა გაყიდვაში – “ბიბისი” წერს.
საკუთარი კომპანია Blue Origin-ის მიერ შექმნილი ხომალდით გაფრენასთან დაკავშირებით ბიზნესმენმა ორშაბათს საკუთარ “ინსტაგრამზე” დაწერა.
“ხუთი წლის ასაკიდან ვოცნებობდი კოსმოსში გაფრენაზე. 20 ივლისს საკუთარ ძმასთან ერთად შევუდგები ამ მოგზაურობას” – 57 წლის მილიარდელმა დაწერა.
გაფრენამდე 15 დღით ადრე ბეზოსმა “ამაზონის” ხელმძღვანელის პოსტი უნდა დატოვოს და დირექტორთა საბჭოს წევრი გახდეს. “ამაზონის” გენერალური დირექტორი გახდება ენდი ჯერსი, ახლანდელი კომპანიის ციფრული განყოფილების ხელმძღვანელი.