კვირის განმავლობაში, რუსეთის შეიარაღებულმა ძალებმა უკრაინის წინააღმდეგ დაახლოებით 1 400 დამრტყმელი დრონი, თითქმის 1 500 მართვადი ავიაბომბი და სხვადასხვა ტიპის 19 რაკეტა — მათ შორის ბალისტიკური რაკეტები — გამოიყენეს. ამის შესახებ პრეზიდენტმა ვოლოდიმირ ზელენსკიმ Facebook-ზე განაცხადა.
მისი თქმით, ამ კვირაში რუსული თავდასხმის ქვეშ 15 რეგიონი მოჰყვა. ხერსონი, ზაპოროჟიე, ხარკოვი და სუმი თითქმის ყოველდღე იბომბებოდა. „რუსები სხვადასხვა ტიპის იარაღს იყენებენ ადამიანებზე, ჩვეულებრივ საცხოვრებელ სახლებსა და ჩვენს სამოქალაქო ინფრასტრუქტურაზე დასარტყმელად. სამწუხაროდ, ამ ტერორის შედეგად მსხვერპლი თითქმის ყოველდღეა. ამ რუსული თავდასხმების საფრთხე კი მუდმივი რჩება“, — ხაზგასმით აღნიშნა პრეზიდენტმა.
„მხოლოდ ერთ კვირაში იყო დაახლოებით 1 400 დამრტყმელი დრონი, თითქმის 1 500 მართვადი ავიაბომბი და სხვადასხვა ტიპის 19 რაკეტა, მათ შორის ბალისტიკური რაკეტები“, — აღნიშნა ზელენსკიმ.
მან პრიორიტეტულ მიმართულებებად დაასახელა: საჰაერო თავდაცვის გაძლიერება, განსაკუთრებით ანტიბალისტიკური თავდაცვის; თანამშრომლობის განვითარება დრონების შესახებ შეთანხმების (Drone Deal) ფარგლებში; და აგრესორზე ზეწოლის გაზრდა.
