საბა ბუაძე: ამ ყველაფრის მკვებავი არის ხელისუფლება

„ლელოს“ ერთ-ერთი ლიდერის, საბა ბუაძის განცხადებით, მას თბილისში, ვაჟა-ფშაველას გამზირზე თავს დაესხნენ.

ბუაძე სოციალურ ქსელ „ფეისბუქის“ საკუთარ გვერდზე ვიდეოს აქვეყნებს და აცხადებს, რომ პროვოკატორები ქვებს ისროდნენ.

“არ ვიცი ვინ იყვნენ და არანაირი მნიშვნელობა არ აქვს ამას. ფაქტი არის ერთი, ეს ადამიანები შემთხვევით იყვნენ იქ თუ რა მოტივაცია ჰქონდათ, ესეც არ მაინტერესებს. ამ ყველაფრის მკვებავი არის ხელისუფლება, რომელიც თავისის სიტყვითა და საქმითაც, მწვანე შუქს აძლევს, თუნდაც მისმა მხარდამჭერებმა და არა ორგანიზებულმა ტიტუშკებმა. ხელისუფლება არის ამ ყველაფერზე მწვანე შუქის მიმცემი, მისვე მხარდამჭერებისთვის და ამ ჭაობში მყოფი სისტემის წარმომადგენლებისთვის, რომ იძალადეთ, შეაგინეთ, განსხვავებული აზრის მქონე ადამიანებს, შეუქმნით მაქსიმალური დისკომფორტი. ეს არ გამოვა ამ ქვეყანაში, ამ ყველაფერს გაეცემა შესაბამისი, სამართლებრივი პასუხი. ის, რომ პოლიცია დღეს არის შეზრდილი ამ ხელისუფლებასთან და კრიმინალთან არაფერს არ ნიშნავს”-აცხადებს ბუაძე.

banner
წინა სტატიაშიმცხეთა–სტეფანწმინდა–ლარსის საავტომობილო გზის მონაკვეთზე გარკვეული ტიპის ავტოტრანსპორტის მოძრაობა აიკრძალა
შემდეგი სტატიანათია მეზვრიშვილი – სასტუმრო „შერატონ ბათუმის“ თანამშრომლებმა გაანადგურეს გიორგი გახარიაზე თავდასხმის მტკიცებულებები და ახლა ანადგურებენ თავდასხმის სათვალთვალო კამერების კადრებს