ქართული ოცნების ახალ საარჩევნო სიებში ხელოვანების შეყვანაზე კრიტიკას გამოეხმაურა დღეს ნუკრი ქანთარია. უმრავლესობის წევრი მიიჩნევს, რომ სიების ფორმირება პროფესიების მიხედვით არ უნდა ხდებოდეს და გარკვეული ბალანსი უნდა იყოს დაცული.
დეპუტატმა ასევე, კოალიციის მთლიანობის შენარჩუნების საკითხზეც ისაუბრა. მისი თქმით, ამ ეტაპზე კოალიციის დაშლის საფრთხე არ არსებობს.
“არავითარი სიმპტომები არ არის იმისა, რომ კოალიცია უნდა დაიშალოს. თუმცა ამავე დროს ვადასტურებთ იმისაც, რომ პოლიტიკაში არაფერი არ არის გამორიცხული. ისიც შეიძლება, რომ ქართული ოცნება სრულიად დამოუკიდებლად გავიდეს არჩევნებზე,“ – განაცხადა ნუკრი ქანთარიამ.
