გერმანული ჰოლდინგის Tengelmann ხელმძღვანელის კარლ-ერივან ხაუბას პოვნის შანსი, რომელიც შვეიცარიისა და იტალიის საზღვარზე, ალპებში დაიკარგა, არ არსებობს – ნათქვამია სავაჭრო ჯგუფის მიერ 13 აპრილს გავრცელებულ განცხადებაში, რომელიც 58 წლის მილიარდელის ოჯახთან შეთანხმებით გავრცელდა.
ექსტრემალურ კლიმატურ პირობებში შვიდ დღიანი ძებნა უშედეგოდ დასრულდა და იმის იმედიც, რომ სასწაული მოხდება, არ არის – ნათქვამია განცხადებაში.
ხაუბი გერმანიის ერთ-ერთი ყველაზე მდიდარი ადამიანია. ის 7 აპრილს ალპებში გაემგზავრა. მასთან კავშირი იმავე დღეს დაიკარგა. ბიზნესმენი შვეიცარიის არმიის მიერ ორგანიზებულ გამოცდილი მოთხილამურეების შეჯიბრებაში Patrouille des Glaciers აპირებდა მონაწილეობის მიღებას.
