ჩინელი მილიარდელი და მსოფლიოში უმსხვილესი ინტერნეტ-მაღაზია Alibaba-ს დამფუძნებელი ჯეკ მა ჩინეთის კომუნისტური პარტიის წევრია – ამის შესახებ კომპარტიის ოფიციალური გაზეთი წერს. გამოქვეყნებულ სიაში, სადაც სულ 100 ადამიანია, ჩამოთვლილია ის პირები, რომლებსაც დიდი წვლილი მიუძღვით ჩინეთის პოლიტიკურ რეფორმებსა და სხვა მნიშვნელოვანი პრათფორმების შექმნაში. აქვე – აღნიშნული არ არის, თუ როდის გაწევრიანდა ჯეკ მა პარტიაში.
ბიზნესმენის ქონება შეფასებულია 36,6 მილიარდ დოლარად და ის მსოფლიოში ყველაზე მდიდარი ჩინელების სიის მესამე ადგილს იკავებს -წერს “ბიბისი” .
სექტემბერში ჯეკ მამ განაცხადა, რომ “ალიბაბა ჯგუფს” ერთ წელში დატოვებს. მას Alibaba-ს აღმასრულებელი დირექტორი დენიელ ჩჟანი შეცვლის.
