,,ძალიან ცუდი გადაწყვეტილების გამო, რომელიც ბოლოს პრეზიდენტმა მიიღო, შეწყალებასთან დაკავშირებით დისკუსია უკვე გახსნილია”

region
ავტ.: region სექტემბერი 24, 2019 15:21

,,ძალიან ცუდი გადაწყვეტილების გამო, რომელიც ბოლოს პრეზიდენტმა მიიღო, შეწყალებასთან დაკავშირებით დისკუსია უკვე გახსნილია”

ფაქტია, ძალიან ცუდი გადაწყვეტილების გამო, რომელიც ბოლოს პრეზიდენტმა მიიღო, შეწყალებასთან დაკავშირებით დისკუსია უკვე გახსნილია, – ამის შესახებ საპარლამენტო ფრაქცია „ქართული ოცნების“ თავმჯდომარე მამუკა მდინარაძემ განაცხადა.

მისი თქმით, ამ საკითხზე მსჯელობა წარიმართება და გათვალისწინებული იქნება ყველას აზრი.

„ორი იურისტი რომ დაჯდეს, არ არსებობს, საერთო აზრი მარტივად ჩამოუყალიბდეთ იმასთან დაკავშირებით, შესაძლებელია თუ არა პრეზიდენტის იმ ექსკლუზიური უფლებამოსილების შეზღუდვა რამე ნორმით და კანონმდებლობაში ცვლილებით, რასაც ჰქვია შეწყალების უფლება. ერთი იურისტის აზრით ყოველთვის იქნება ასეთი მსჯელობა, რომ ეს შეწყალების უფლებას პრაქტიკულად ართმევს პრეზიდენტს, თუ ეს არის შეზღუდული უფლება და არა, აბსოლუტური დისკრეცია. მეორე მხრივ, მეორე იურისტმა პრაქტიკული თვალსაზრისით შესაძლებელია, გარკვეული რისკების გამორიცხვას დაუჭიროს მხარი. აქედან გამომდინარე, ძალიან რთულია საუბარი. ფაქტია, რომ ძალიან ცუდი გადაწყვეტილების გამო, რომელიც მიიღო ბოლოს პრეზიდენტმა, ეს დისკუსია უკვე გახსნილია. ამაზე ვიმსჯელებთ ნებისმიერ შემთხვევაში, გავითვალისწინებთ ყველას აზრს, განსაკუთრებით ამ საქმის კარგად მცოდნე იურისტების, ჩვენ ჩვენი აზრი გვექნება. საბოლოო ჯამში ვფიქრობ, თუ საკანონმდებლო რეგულაციები არა, მაშინ რაღაც პრაქტიკა უნდა არსებობდეს, სადაც ასეთი გადაწყვეტილებების მიღება შეუძლებელი იქნება ან შესაძლებელია, ვიფიქროთ იმაზეც, ასეთი შეზღუდვები საპარლამენტო დონეზე შეიქმნას“, – აღნიშნა მდინარაძემ.

კითხვაზე, შესაძლოა, თუ არა დადგეს პრეზიდენტის იმპიჩმენტის საკითხი, დეპუტატი პასუხობს, რომ იმპიჩმენტს თავისი კონსტიტუციური საფუძვლები გააჩნია.

„იმპიჩმენტს აქვს თავისი კონსტიტუციური საფუძვლები, მიუხედავად იმისა, რომ მეც ძალიან არ მომწონს პრეზიდენტის ეს გადაწყვეტილება შეწყალებასთან დაკავშირებით, ასე მარტივად იმპიჩმენტზე საკითხი არ დაისმება ხოლმე. იმპიჩმენტის საკითხი ცოტა სხვა კატეგორიაა. საფრთხილოა, კონსტიტუციაში წერია მისი საფუძვლები და ამ საფუძვლების სხვანაირად ინტერპრეტირება არ შეიძლება, თუმცა ვინ როგორ განმარტავს, ამას შესაძლოა, კამათი მოჰყვეს“, – განაცხადა მამუკა მდინარაძემ.

region
ავტ.: region სექტემბერი 24, 2019 15:21

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,232
ვიზიტორი
დღეში
Powered By Google Analytics