ალექსი პეტრიაშვილის დაჭრის საქმე შესაძლოა გადაკვალიფიცირდეს

თაიმერი timer.ge
ავტ.: თაიმერი timer.ge მარტი 1, 2016 17:13

ალექსი პეტრიაშვილის დაჭრის საქმე შესაძლოა გადაკვალიფიცირდეს

“ალექსი პეტრიაშვილის დაჭრის საქმე შესაძლოა გადაკვალიფიცირდეს” – ამის შესახებ „თავისუფალი დემოკრატების“ წევრმა ვიქტორ დოლიძემ შინაგან საქმეთა მინისტრთან შეხვედრის შემდეგ განაცხადა. როგორც დოლიძემ აღნიშნა, არ არის გამორიცხული, რომ საქმე გადაკვალიფიცირდეს, თუმცა ამაზე დეტალური ინფორმაცია ჯერ არ აქვთ. ამას გარდა, თავისუფალი დემოკრატების წევრების განცხადებით, მათ შინაგან საქმეთა მინისტრისგან მიიღეს ინფორმაცია გამოძიების მიმდინარეობის შესახებ.

„როგორც მინისტრმა განაცხადა, კვალიფიკაციის შეცვლაში განსაკუთრებული არაფერია და ეს გამოძიების პროცესში გახდება ცნობილი. მინისტრმა დაგვარწმუნა, რომ ყველაფერი კეთდება და მაქსიმალური ძალისხმევაა მიმართული, რომ გამოძიება რაც შეიძლება მალე დასრულდეს და დამნაშავეები უმკაცრესად დაისაჯონ“ – განაცხადა დოლიძემ.

რაც შეეხება სავარაუდო ეჭვმიტანილს, „თავისუფალი დემოკრატების“ კიდევ ერთი წარმომადგენლის, ირაკლი ჩიქოვანის განცხადებით, ეს გამოძიების პროცესში გაირკვევა. გამოძიების ინტერესიდან გამომდინარე კი დეტალებზე არ საუბრობენ.

„მინისტრმა დაგვარწმუნა, რომ შინაგან საქმეთა სამინისტრო იყენებს ყველა მის ხელთ არსებულ რესურსს, რათა გამოძიება სწრაფად იქნას წარმართული. ასევე, გამოძიებაში მონაწილეობენ სხვა სამართალდამცავი სტრუქტურებიც.“ – განაცხადა ირაკლი ჩიქოვანმა.

თაიმერი timer.ge
ავტ.: თაიმერი timer.ge მარტი 1, 2016 17:13

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,111
ვიზიტორი
დღეში
Powered By Google Analytics